Ons leef in baie onveilige omstandighede. Ons eie en die veiligheid van ons gesin bly primêr ons eie verantwoordelikheid. Ons kan die verantwoordelikheid nie oordra na ander mense, die kerk, regering of ons bure nie. Hier volg ‘n paar eenvoudige maar belangrike wnke om te volg wat jou en jou gesin se lewe kan red!
Ons kosbare kinders.
Leer jou kinders om NOOIT saam met vreemde mense in voertuie te klim nie.
Maak dit ‘n reël in jou huis dat jy weet waar jou kinders is en saam met wie.
Erken dat jou kinders regte het, leer hulle daardie regte, veral ten opsigte van persoonlike veiligheid, en respekteer hulle regte ook in die ouerhuis.
Leer jou kinders om verdagte omstandighede te identifiseer en om dit te rapporteer.Groot mense se onwelvoeglike gedrag of taal behoort deur kinders gerapporteer te word sonder vrees vir vergelding en straf.
Maak seker dat jy maklik met jou kind kan kontak maak, en bly in gereelde kontak met jou kind. Nuwe tegnologie maak dit maklik, gebruik dit.
Ken jou kind, wees lief vir jou kind, bid vir jou kind, beskerm jou kind, wys jy gee om en gee vir jou kind ‘n drukkie, spandeer tyd saam met jou kind.
Kinders is ‘n kosbare geskenk van Bo.
Sekerheid in en om die huis.
Maak seker dat jou huis veilig toegesluit kan word.
Indien jy jou sleutels verloor of dit gesteel word, vervang die slotte en kry nuwe sleutels.
Sorg vir goeie beligting by jou deure en maak seker jy weet wie is buite voor jy oopmaak.
Ken jou bure. Kry hulle telefoonnommers en hou ‘n oog oop vir mekaar se eiendom.
As daar ‘n gebiedsbeskermingsaksie vir u omgewing is, raak betrokke daarby. Ondersteun die Gebieds Polisierings Forum (GPF).
Sorg dat jou wapens veilig is en dat jy weet waar die sleutel is, indien jy dit vinnig nodig mag kry.
Moet nie in die aand alleen in die noker op jou erf gaan ondrsoek instel na vreemde geluide nie. Skakel eers jou buite sekerheidsligte aan en laat die bure en die Buurtwag/SAPD weet. Sorg dat jybewapen is indien u aangeval word. Druk die noodknoppie van jou alarm.
Daar is nou alarmstelsels wat met jou selfoon aktiveer word. Gaan na Chubb 911 vir meer inligting.
Veilgheid in en om jou woning.
Kan jy en jou gesin maklik uit jou huis kom as dit brand? Het julle ‘n ontsnaproete en is dit ingeoefen? Moenie wag totdat te laat is nie!
Moet nooit kragpunte oorlaai nie. As jy die kragpunt kan ruik, stel dit reg, daar is ‘n brandgevaar!
Oprolkabels moet altyd uitgerol wees voordat dit gebruik word. Oorverhitting van sulke kabels agv die induktiewe las, kan dit uitbrand of beskadig, en ‘n brand veroorsaak.
As elektriese toerusting water lek, moet die lek dadelik herstel word. Water gelei krag en is lewensgevaarlik.
Het jou huis ‘n brandblusser en rookverklikker? Is dit vir jou belangrik? Hou ‘n brandblusser naby jou kombuis en of vuurherd.
Weet watter chemiese middels nie saam geberg behoort te word nie, bv chloor en olie. Moet nie gevaarlike stowwe in jou huis berg nie. Skaf ‘n veilige toesluit kas aan wat in jou motorhuis of agteref kan staan, waterdig is en nie oopgesluit kan word deur klein handjies nie.
Sluit jou gifstowwe toe en sorg dat dit nie in die verkeerde hande beland nie.
Berg medisyne buite die bereik van kinders en oningeligte mense.
Is jou swembad, visdam, plaasdam veilig vir kinders? Waar moontlik moet dit beskerm word en kleuters moet daar weg gehou word.
Is daar om jou woning enige onbeskermde putte of boorgate waarin kinders kan val? Maak toe!
Ondersoek jou huis en kry ‘n veilige plek waar jy en jou gesin kan gaan skuil indien daar ingebreek word by jou huis. Ons motorhuis is verbind met ‘n deur na ons huis. Voor die motorhuisdeur word ook een van ons motors parkeer oornag. Die deur is dus veilig en kan nie sonder moeite van buite oopgemaak word nie. Ons bêre ‘n selfoon met die noodnommers ingelees op ‘n velige plek in die motorheuis tesame met ‘n sterk flits en komberse. Daar is ook ‘n stok waarmee ons die deur van binne kan stut om toegang vanuit die huis te bemoeilik. Ins geval van ‘n onveilige situasie is almal geleer om onmiddellik en so stil as moontlik na die motorhuis te beweeg. Ons het seker gemaak dat ons slfoon ontvangs het, en die eerste persoon om in te kom, druk die noodknoppie op die selfoon.Het jy so ‘n veilige plek in jou huis?
Op pad en by die winkelsentrums.
Weet waarheen jy op pad is. Probeer om nie te verdwaal nie. Onthou dat om GPS te gebruik in ‘n vreemd e omgewing, moet jy vooraf seker maak van die name van twyfelagtige gebiede. Die korste roete is nie altyd die veiligste nie! Sorg dat jy saan in goed beligte gebiede is en vermy twyfelagtige gebiede.
Moet jou self nie met pakkies so oorlaai dat jy nie meer behoorlik om jou kan oplet nie.
As jy om die een of ander rede onveilig of bedreig voel, sorg dat jy erens kan inbeweeg waar dit veilig is. Mens het tog ‘n sesde sintuig wat jou waarsku (ons is net nie altyd goed daarop ingestel nie).
Waar moontlik neem iemand saam as jy by ‘n OTM geld trek. As dit verdag voorkom, trek eerder elders geld. Deesdae kan jy by Pick & Pay geld trek by die kassiere. Dit is baie veiliger.
As jy die karwag wil betaal, moenie in die straat met jou beursie staan en vroetel nie, wees gereed met die geld voordat jy die gebou verlaat. Dieselfde geld vir jou voertuig se sleutel.
In jou voertuig.
Vat jou selfoon saam as jy ry.
Wees versigtig en op die uitkyk as jy bestuur. Wees bedag op mense wat rondom afritte en robotte rond hang. Hou jou afstand agter die voertuig voor jou sodat jy, indien nodig kan uit beweeg. Sluit jou deur en hou jou vensters toe. Ry altyd met jou veiligheidsgordel. Behalwe vir veiligheid tydens ‘n ongeluk, is dit baie moeiliker om jou motor te kaap en jou uit die motor te dwing of te pluk. Hou items buite sig wat aanleiding kan gee tot breek en gryp- voorvalle by robotte, stopstrate en afritte.
Moenie rylopers oplaai nie, veral nie as jy vrou alleen is nie.
Wees op jou hoede vir motoriste wat gestrand is, dit word soms as ‘n lokval gebruik. Som die situasie goed op en bel vir hulp as dit verdag voorkom.
Parkeer waar daar goeie beligting is en dit veilig is.
Moet nooit items in die kar los terwyl dit geparkeer is nie.
As jou voertuig onklaar raak, bel vir hulp. As iemand hulp aanbied en dit kom verdag voor, se dat hulp reeds op pad is. Maak seker dat jy in jou motor ook jou noodnommers op ‘n kaartjie hou. Sit jou panieknommer in jou selfoon as ‘n snelbel opsie.
